ნატრიუმი - Na - შედის სუფრის მარილში. ეს ელემენტი ორგანიზმს ეხმარება ნივთიერებათა შორის ბალანსის შენარჩუნებაში. ნატრიუმი არის აგრეთვე კუჭის წვენის, კუჭქვეშა ჯირკვლის სეკრეციის შემადგენლობაში. დღეში საკმარისია 8 გრ მარილის მიღება. ზედმეტი მარილი ხელს უწყობს ორგანიზმში შეშუპებებისა და ანთებითი პროცესების განვითარებას, ზრდის წნევას, იწვევს კანის დაავადებებს.

კალიუმი - K - მონაწილეობს ნატრიუმისა და კალციუმის ცვლაში. იგი აუცილებელია კუნთების შეკუმშვისა და ბევრი ფერმენტის მოქმედებისათვის. სჭირდება გულს. კალიუმის წყაროა ბოსტნეული და ხილი, განსაკუთრებით მშრალი ხილი (ჭერმის ჩირი, ქიშმიში და სხვა).

მაგნიუმი - Mg - ააქტიურებს ნივთიერებათა ცვლას, არეგულირებს სისხლის წნევას, მონაწილეობს ნაწლავიდან
ქოლესტერინის გამოყოფაში. მაგნიუმის წყაროა ხილი და ბოსტნეული, ასევე უხეში საფქვავისაგან დამზადებული პური, შვრიის, წიწიბურასა და ხორბლის ბურღულეული.

ფოსფორი - P - ერთ-ერთი მთავარი სამშენებლო მასალაა ძვლებისა და კბილებისათვის, შედის ფერმენტების (აუციელბელი ნივთიერება) შემადგენლობაში. იგი არის ხორცში, თევზსა და რძეში, კაკალში, მწვანილში, ლობიოსა და ბარდაში.

კალციუმი - Ca - ძირითადი მასალაა ჩონჩხისა და კბილების შენებისათვის, მონაწილეობს სისხლის შედედებაში. გავლენა აქვს პერიფერიული ნერვული სისტემის აგზნებადობაზე.
კალციუმის წყაროა რძის პროდუქტები, მარცვლეული და მწვანე ფოთლები.

რკინა - Fe - შედის სისხლის წითელ ბურთულების - ერითროციტების ჰემოგლობინის შემადგენლობაში. იგი არის მწვანილში, პამიდორში, ხილსა და სხვა პროდუქტებში.

იოდი - I - მონაწილეობს ფარისებრი ჯირკვლის ჰორმონის ჩამოყალიბებაში. ზრდის კალციუმისა და ფოსფორის ათვისებას.
იოდს შეიცავს ზღვის პროდუქტები, ჭარხალი, ფეიხოა და წითელი წიწაკა, ბალახებიდან - შავბალახა და ქრისტესისხლა.